قائمة المحتويات
أفضل 10 منتجات لتفتيح البشره (Skin lightening products)؛ ، حيث ان مع انتشار مشكلة ظهور حب الشباب انتشرت برده مشكله ناتجه عنها و هي مشكلة التصبغات و اثار الحبوب و مش بس التصبغات دي بسبب حب الشباب و لكن بسبب اهمال كتير من البنات لاستخدام الصن بلوك قبل التعرض للشمس و مش بس ضروري استخدامه لكن ضروري جدًا استخدامه بطريقه صحيحه 100% صبغات كمان احيانًا بتكون بسبب عوامل وراثية او بسبب تغير في الهرمونات زي الكلف اللي بيظهر عند الحوامل في مناطق مختلفه من الجسم او الوش ، في النهايه المشكله واحده و تأثيرها علينا واحد باختلاف مسبباتها.
المواد المستخدمة لتفتيح البشره
المتتجات المستخدمة في تفتيح البشره بتختلف من حيث تكوينها بمعني انها ممكن تكون علي هيئة كريم او سيرم و كل واحد ليه فاعليه مختلفه ، قبل ما نتكلم عن منتجات تبيض الوجه نفسها عاوزه اعرفكم ايه هي المكونات اللي غالبًا بتكون فعّاله في التفتيح علشام تختاروا المنتج اللي بيحتوي علي المكونات دي او حتي مكون منهم بدون حيره.
- ڤيتامين ج / Vitamin C
- خلاصة العرق سوس / Licorice Extract
- الفا اربيوتين / Alpha Arbutin
- حمض الجيلايكوليك / Glycolic Acid
- حمض اللاكتيك / Lactic Acid
- نياسيناميد / Niacinamide
- حمض الكوجيك / (Kojic Acid)
- احماض الفواكه / Aha, Bha
“اقرأ أيضًا: أفضل 10 طرق تنظيف البشرة وتفتيحها“
أفضل 10 منتجات لتفتيح البشره
هناك العديد من الأصناف التجارية المتوافرة في الأسواق والمستخدمة لتفتيح لون بشرتنا، ومن أفضل 10 منتجات لتفتيح البشره:
ايزيس فارما نيوتون راديانس كريم Isis Pharma neotone radiance
ده كريم نهاري من ايزيس مناسب جدًا للبشره الحساسه و الحقيقه انه له مميزات كتير زي انه متوفر في الصيدليات غير انه بيدي للبشره اشراقه و لمعه صحيه ومن أفضل 10 منتجات لتفتيح البشره لكن تأثيره ضعيف علي التصبغات رغم ان في كريمات اقل منه في السعر ليها نفس النتيجه البسيطه بتاعته زي كريم بايو بالانس اللي هنتكلم عنه كمان شويه ، الكريم ده خالي من البارابين و كمان بيتميز بانه مش بيسد مسام البشره، يبلغ سعره حوالي 470 جنيه مصري.
“اقرأ أيضًا: اسرع ماسك لتفتيح الوجه؛“
ذا اوردناري ڤيتامين سي 23% + هيالورونيك اسيد 2% / The Ordinary Vitamin C Suspension 23% + HA 2%
المنتج ده من ذا اوردناري افضل منتجات لتفتيح البشره عباره عن كريم خفيف جدا فيه فيتامين سي بنسبة 23% و مش بس كده هو كمان بيضم في تركيبته حمض الهيالورونيك اللي بيعوض البشره بالترطيب اللي بتحتاجه نتيجة فقدانها للمياه و دي تركيبه متميزه لان فيتامين سي بينشف البشره أحياناً و بالتالي المنتج ده هيناسب حتي أصحاب البشره الجافه ، مشكلته انه بس متوفر اونلاين، يبلغ سعره حوالي 600 جنيه مصري.
“اقرأ أيضًا: تونر ذا اورديناري؛“
اوز ناتشرالز فيتامين سي سيرم Oz Naturals Vitamin C Serum
من أفضل 10 منتجات لتفتيح البشره دايمًا الناس اللي بتعاني من مشكلة التصبغات و اثار الحبوب بيدوروا علي منتجات لتفتيح البشرة تكون تحتوي علي فيتامين سي بنسبه عاليه لانه فعلا معروف بقدرته العاليه علي تفتيح التصبغات مع الانتظام و كمان بيساعد في استعادة نضارة البشره ، و السيرم ده يعتبر من اشهر وافضل منتجات تفتيح الوجه لانه بيحتوي علي فيتامين سي بنسبة 20% و دي نسبه فعاله و لكنها غير مناسبه لاصحاب البشره شديدة الحساسيه، يبلغ سعره حوالي 430ىجنيه مصري.
بايو بالانس فيشال وايتننج كريم Bio Balance Facial Whitening Cream
كريم بايو بالانس من اخف منتجات لتفتيح البشره و افضلها رغم ان فاعليته مش قويه الا انه جيد بسبب سعره المتوسط و مناسب كمان للبشرات الحساسه ، و اكتر نتيجه بتلاحظيها من الكريم ده هي النضاره القويه و الملحوظه لانه بيحتوي علي فيتامين سي و العرق سوس و كمان النياسيناميد و من افضل المكونات فيه كمان هي فيتامين هـ المعروف بانه مضاد للاكسده، يبلغ سعره حوالي 245 جنيه مصري.
ذا اوردناري بيلينج سوليوشن / The ordinary Peeling Solution Aha 30% + Bha 2%
يعد من أفضل منتجات لتفتيح البشره حيث ان المنتج ده مش كريم و مش سيرم هو نقدر نعتبره ماسك لانك بتستخدميه مره او مرتين بس في الأسبوع علي بشره نضيفه لمدة 10 دقايق و ضروري تغسليه لانه مقشر و بيحتوي علي نسبه جيده من احماض الفواكه اللي بتساعد في التقشير السطحي للجلد و بالتالي التخلص من التصبغات و كمان بتساعد جدًا في حل مشكلة الحبوب ، يمكن مشكلته بس انه مش متوفر في مصر غير اونلاين و كمان غير مناسب للبشره الحساسه، يبلغ سعره حوالي 640 جنيه مصري.
“اقرأ أيضًا: كريم بيزلين لتفتيح المناطق الحساسة؛“
بيوديرما وايت اوبچكتڤ سيرم Bioderma White Objective Serum
أفضل منتجات لتفتيح البشره خيث يحتوى السيرم الليلي من بيوديرما علي نسبه من فيتامين سي لكنه كمان بيحتوي علي نسبه من العطور اللي هتخليه للأسف غير مناسب للبشره الحساسه بس لو بشرتك مش حساسه تقدري تستخدميه بانتظام لمرة 3 شهور و هتلاقي فرق واضح مع مراعاة استخدام صن بلوك مناسب الصبح لو هتتعرضي للشمس، يبلغ سعره حوالي 380 جنيه.
“اقرأ أيضًا: كريم بيوديرما للتفتيح؛“
يورياچ ديبيديرم سيرم Uriage Dépiderm Serum
سيرم يورياج من أفضل منتجات لتفتيح البشره مش سيرم فيتامين سي لكنه بيحتوي علي نسبه منه و كمان بيحتوي علي مياه يورياج الحراريه اللي بتهدي الجلد بشكل كبير ده غير انه بيرطب البشره كويس و بيقوي الحاجز الواقي للجلد بفضل وجود البانثينول في تركيبته ، غير مناسب للبشره الحساسه لانه بيحتوي علي نسبه من العطور و بيستخدم بالليل فقط، يبلغ سعره حوالي 535 جنيه مصري
ستارفيل كريم Starville Whitening Cream
كريم ستارفيل من أفضل 10 منتجات لتفتيح البشره الرخيصه و الآمنه في نفس الوقت و لو هنقارن بين سعره و كفاءته ف ـ بجد كفاءته عاليه و منتج يستحق الاحترام ، هو بيحتوي في تركيبته علي فيتامين سي و العرق سوس و كمان الاربيوتين المستخلص من التوت البري و المعروف بانه اقوى منتجات تفتيح البشرة ، ممكن مشكلته بس انه تقيل شويه علي البشره لكنه مش بيطلع حبوب ابدا ، يبلغ سعره حوالي 90 جنيه مصري.
أڤين دي بيجمنت كريم Avène D-Pigment Cream
منتجات شركة افين من اقوى منتجات تفتيح البشره علي مستوي العالم. لانها بتناسب جميع أنواع البشره بما فيها البشره الحساسه و المتهيجه. لانها خاليه من العطور و بتحتوي بشكل أساسي علي المياه الحراريه . و الكريم ده من المنتجات دي و اقوي نتيجه تقدري تشوفيها معاه هي لو عندك تصبغات بسبب التقدم في السن، يبلغ سعره حوالي 400 جنيه مصري.
لاروش بوزاي بيجمنتكلار سيرم La Roche Posay Pigmentclar Serum
السيرم ده من لاروش بوزاي يعتبر من اقوى منتجات لتفتيح البشره المتوفره في مصر. لانه بيحتوي علي خلاصة الجينكو بيلوبا و حمض الفريوليك. و كمان النياسيناميد و مناسب للبشرات الحساسه رغم انه بيساعد في التقشير. لكن تقشيره لطيف جدا علي الجلد ، هو مش بس بيعالج التصبغات. لكنه كمان بيمنع تكونها مره تانيه. ممكن يسبب احمرار للبشره في بداية استخدامه بس ده امر طبيعي، يبلغ سعره حوالي 732 جنيه مصري.
منتجات لتفتيح البشرة (Skin lightening products)