أفضل 10 مرطبات للبشره الجافه (moisturizers for dry skin). اتكلمنا في موضوع قبل كده عن مرطبات البشره الدهنيه و اهمية الترطيب ليها و المره دي هنتكلم عن مرطبات البشره الجافه و تقريبًا مفيش حاجه مهمه للبشره الجافه تحديدًا زي الترطيب و ده لانه بيحميها من التشققات و بيعتبر عازل بين الملوثات الجويه و الجلد و كمان الترطيب بيأخر التجاعيد و ظهور علامات التقدم في السن ، و تعتبر البشره الجافه في اغلب الاوقات قابله لانها تكون حساسه و علشان كده هنتكلم عن مرطبات تقدري تستخدميها حتي لو كانت بشرتك حساسه بدون اي خوف ، و كمان هنراعي الميزانيه المختلفه بينا كلنا.
أفضل 10 مرطبات للبشره الجافه
هناك العديد من المستحضرات المستخدمة لترطيب البشرة الجافة، ومن أفضل 10 مرطبات للبشره الجافه:
نوكس ريڤ دو ميّ الترا كمفورتبل نايت Nuxe Rêve du meil ultra comfortable Night
مرطب نوكس للبشره الجافه من افضل انواع المرطبات للبشره الجافه جدًا و قوامه تقيل علي الرغم من احساسه الخفيف علي البشره و اللي في نفس الوقت بيرطب ترطيب عميق و كمان بيتميز باللمعه اللي بيضيفها للبشره الجافه و اللي بتكون محتاجه لـ ده جدًا ، لكن للأسف في عوامل كتير تخلينا نعتبره اختيار اخير و هو سعره العالي و كمان هتضطري يكون عندك منه النهاري و الليلي لانه مفيش منهم كريم واحد تقدري تستخدميه صبح و ليل و دي تكلفه عاليه، يبلغ سعره 1,289 جنيه مصري ، السعه / 50 مل.
“اقرأ أيضًا: أفضل 10 أنواع كريم مرطب للوجه واليدين“
سيباميد انتي دراي كريم Sebamed Anti-Dry Cream
بتتميز ماركة سيباميد بمعدل الحموضه الملائم لدرجة حموضة البشره و هو 5.5 و ده بيخلي منتجاتها امان للبشره الحساسه و المتضرره كمان ، و المرطب ده واحد من المرطبات القويه لانه قوامه تقيل علي البشره و بيرجعلها المرونه و يقوي الحاجز الواقي كمان و مناسب للاستخدام تحت المكياج ، مشكلته انه غير متوفر بسهوله و موجود منه كريم نهاري و كريم ليلي، يبلغ سعره 429 جنيه ، السعه / 50 مل.
كليو الترا مويستشر كريم Cleo Ultra Moisture Cream
مرطب كليو للبشره الجافه مش بس بيتميز بترطيبه العالي للبشره بفضل وجود زبدة الشيا و البانثينول في تركيبته، لكن بيميزه انه بيحمي البشره من العوامل الجويه المضره و الملوثات زي الادخنه و الاتربه عن طريق تقنية الـ Pollushield و كمان بيهديها بعد التعرض لأشعة الشمس ، و سعره متوسط بالاضافه لإن حجمه مناسب جدًا للاستخدام فتره طويله ، و للاسف غير مناسب للاطفال او للبشره الحساسه كما يعد من افضل مرطبات للبشره الجافه، يبلغ سعره 180 جنيه مصري ، السعه / 200 مل.
“اقرأ أيضًا: علاج البشرة الجافة طبيعيًا؛“
بي اند بي ايمولينت B&B Emollient
من افضل انواع المرطبات للبشره الجافه و اللي سعرها في متناول الايد كمان ، قوامه تقيل الي حد ما و لكن مش بيسد مسام البشره نهائي + ان بشرتك هتمتصه بسرعه و بشكل كامل بدون ما تحسي بـ طبقه سميكه علي بشرتك ، متوفر منه حجمين و الاتنين سعرهم رخيص تقدري تختاري الأنسب ليكي، يبلغ سعره 130 جنيه مصري ، السعه / 120 جرام.
ڤيشي اكواليا ثيرمال لايت كريم Vichy Aqualia Thermal Light Cream
منتجات ڤيشي زي اغلب المنتجات الطبيه الفرنسيه بتحتوي علي نسبه عاليه من المياه الحراريه و المرطب ده واحد من افضل مرطبات للبشره الجافه في ڤيشي لانه خالي من البارابين و بيضمن للبشره ترطيب ممتاز ، هو مناسب فقط للبنات من سن 20 فيما فوق و للاسف غير مناسب للبشره الحساسه و اللي بيوعد بيه المرطب ده هو توفير ترطيب عالي للبشره لمدة 48 ساعه بالاضافه لتنعيم ملمس الجلد و تلطيفه بدون ترك اي ملمس دهني عليه، يبلغ سعره 419 جنيه مصري ، السعه / 50 مل.
“اقرأ أيضًا: أفضل مرطب للبشرة الجافة من الصيدلية؛“
ماكرو بانثينول كريم Macro Panthenol Cream
البانثينول في حد ذاته ماده فعاله موجوده في اي منتج بيهتم بالمحافظه علي معدل ترطيب البشره بكل انواعها كما يعد من افضل انواع المرطبات للبشره الجافه و مش بس في الكريمات و لكن موجود في سيرمات و غسولات للبشره كتير ، فـ ما بالك لما يكون مرطب عباره عن الماده الفعاله دي نفسها ؟ تفتكري هيرطّب ازاي ؟ اكيد هيكون الترطيب عالي من غير شك ، و المتوقع انه يكون سعره عالي طبعًا لكن المرطب ده محلي و سعره رخيص جدًا و مناسب للاستخدام علي كل الجسم و لكن غير مناسب للاطفال، يبلغ سعره 100 جنيه مصري ، السعه / 50 جرام.
يورياچ زيموس كريم Uriage Xémose Face Cream
مرطب يورياچ زيموس هو واحد من افضل انواع المرطبات للبشره الجافه لانه مش بس بيرطب سطحها الخارجي لكن كمان بيرطب طبقات الجلد العميقه ، و بيحتوي علي نسبة عاليه من الاحماض الدهنيه اللي بسهوله بتفقدها البشره الجافه خاصةً في فصل الشتا ، قوامه مناسب للبشره الجافه و شديدة الجفاف و خالي من الكحول و العطور لكن للاسف غير مناسب للاطفال او الحوامل، يبلغ سعره 225 جنيه مصري ، السعه / 40 مل.
“اقرأ أيضًا: أفضل 10 أنواع غسول للبشرة الجافة واسعارها“
اڤين تريكسيرا نيوتريشن Avène Trixera Nutrition
اڤين افضل مرطب للبشرة الجافة حيث تعد من اقوي الماركات المهتمه بالبشره في العالم و اللي بينصح بمنتجاتها دكاترة الجلديه دايمًا و المرطب ده قوامه فلويد و ده قوام خفيف مستحيل يزعج البشره و في نفس الوقت هيرطبها ترطيب فائق، وبيتميز عن مرطبات تانيه كتير بوجود المياه الحراريه فيه بنسبه عاليه وده اللي بيساعده في تهدئة الجلد و ترطيبه بلطف و استعادة الاحماض الدهنيه اللي الجلد محتاجها، تقدري تستخدميه للجسم بالكامل و لأطفالك من اول سن 3 سنوات للحفاظ علي ترطيب جلدهم و منعه من الالتهابات المزعجه ليكي و ليهم كمان، يبلغ سعره 419 جنيه مصري ، السعه / 400 مل.
لاروش بوزاي ليپيكار بووم La Roche Posay Lipikar Baume
الحقيقه اني من اشد المعجبين بمنتجات لاروش بوزاي و المرطب ده تحديدًا رائع و وجوده في المرتبه التانيه ميقللش من كفاءته اطلاقًا بالعكس هو ميختلفش كتير عن مرطب بايوديرما، مناسب لجميع افراد الاسره حتي الاطفال من عمر يوم تقدري و بكل سهوله تستخدميه لبشرتهم خاصًة لو اتعرضت لاكزيما او جفاف شديد مصاحب بالتهاب، كمان مناسب جدًا للاستخدام علي جميع مناطق الجسم للترطيب الفائق و تقوية الحاجز الواقي للبشره و بالتأكيد مناسب للبشره الحساسه لذلك فهو يعد من افضل مرطبات للبشره الجافه، يبلغ سعره 707 جنيه مصري ، السعه / 200 مل.
“اقرأ أيضًا: أفضل 10 أنواع تونر للبشرة الجافة“
بايوديرما أتوديرم انتينسيڤ بووم Bioderma Atoderm Intensive Baume
من وجهة نظري و تجربتي الشخصيه بايوديرما ابدعت في المرطب ده و ممكن نقتصر وجود الشركه بالكامل عليه لانه حقيقي عظيم يعتبر افضل مرطب للبشرة الجافة هتحتاجي ايه من مرطب اكتر من انه يرطب بشرتك الجافه بعمق بدون ما يسيب اي ملمس مزعج علي بشرتك و في نفس الوقت خالي من اي عطور ؟ اكيد مش هتحتاجي اكتر من كده ، مرطب بايوديرما هيحققلك ده كله ببساطه و مناسب كمان للاطفال و الرضع و حتي الحوامل ، و طبعًا مناسب جدًا لو بشرتك حساسه او ملتهبه بالفعل، يبلغ سعره 583 جنيه مصري، السعه / 200 مل.
مرطبات للبشره الجافه